Traveling Wilburys

Traveling Wilburys

strollad sonerien

Deiziad krouiñ	1988
Deroù ar prantad labour	1988
Dibenn ar prantad labour	1990
Pladennrolladur	Traveling Wilburys discography
Stad	Stadoù-Unanet, Rouantelezh-Unanet
Lec'h diazez	Santa Monica
Tachenn	sonerezh rock, roots rock, heartland rock, country rock, Folk-rock
Label sonerezh	Warner Bros. Records, Rhino, Concord Records
Bro orin	Stadoù-Unanet
Prizioù resevet	Grammy Award for Best Rock Performance by a Duo or Group with Vocal
Bet kinniget evit	Grammy Award for Best Rock Performance by a Duo or Group with Vocal, MTV Video Music Award for Best Group, Juno Award for International Album of the Year, Grammy Award for Album of the Year
Lec'hienn ofisiel	http://www.travelingwilburys.com
Deskrivet en URL	https://www.tekstowo.pl/wykonawca,the_traveling_wilburys.html
Rummad evit an izili	Category:Traveling Wilburys members

Traveling Wilburys (pe Wilburys) a oa ur strollad sonerien rock 'n' roll ha folk rock krouet en nevezamzer 1988.

Kroget e oa an istor goude m'en devoa graet berzh bras Cloud Nine, an albom kembroduet gant George Harrison ha Jeff Lynne^[1] e miz Du 1987. Dibabet e oa bet lakaat ur ganaouenn diembann war du B ar bladennig a dlee dougen This Is Love (unan eus sonennoù an albom Cloud Nine) war he zu A. Ha Bob Dylan, Jeff Lynne ha Tom Petty da zont da reiñ skoazell d'an daouad George Harrison-Roy Orbison da enrollañ Handle with Care eta. Ken plijus e voe an aergelc'h er studio-enrollañ ma voe graet o mennozh gant an holl izili sevel un albom klok : The Traveling Wilburys Vol. 1^[2] (embannet e miz Here 1988).

Dont a rafe anv ar strollad eus ar frazenn "We'll bury 'em in the mix" a veze implijet ingal gant Harrison o kaozeal diwar-benn traoù c'hoarvezet a-dreuz e-pad an enrolladennoù. Goude bezañ darbet mont gant "The Trembling Wilburys", kinniget gantañ, e voe dibabet kinnig Lynne — The Traveling Wilburys — a-barzh fin ar gont. Mignoned vras er vuhez e tivizjont kemer anvioù-leurenn evel pa vijent hantervreudeur, "Charles Truscott Wilbury, Sr" anv o zad sañset :

• "Lucky Wilbury" : Bob Dylan (1941-) ( Stadoù-Unanet),
• "Nelson Wilbury" : George Harrison (1943-2001) ( Rouantelezh-Unanet),
• "Otis Wilbury" : Jeff Lynne (1947-) ( Rouantelezh-Unanet),
• "Lefty Wilbury" : Roy Orbison (1936-1988) ( Stadoù-Unanet),
• "Charlie T. Wilbury, Jr" : Tom Petty (1950-) ( Stadoù-Unanet).

Berzh a reas ar bladenn en abeg da personelezh dibar ar pemp soner a-stroll. Ken e voe embannet un nebeud pladennoùigoù — Heading for the Light, Handle With Care, End Of The Line, Inside Out — tennet an holl anezhe eus an albom. Hag en desped da marv Orbison, diskaret gant un arsav kalon d'ar 6 a viz Kerzu 1988, e tivizas ar peurrest eus ar strollad sevel un albom all, Traveling Wilburys Vol. 3 an titl anezhañ. Ouzh golo ar bladenn, deuet e-maez d'ar 4 a viz Du 1990, e voe dispaket anvioù-leurenn disheñvel evit diskouez splann e vanke ur mignon dezhe : "Boo Wilbury" (Dylan), "Spike Wilbury" (Harrison), "Clayton Wilbury" (Lynne) ha "Muddy Wilbury" (Petty)^[3].
E-pad filmig ar ganaouenn End of the Line e c'haller gwelet gitar Orbison o vrañsigellat en ur gador luskellat... Ne reas ket kement a verzh an eil oberenn-se : echu e oa an istor ha ne voe embannet pladenn all ebet^[4], panevet ar c'houfrig The Traveling Wilburys Collection (deuet e-maez e miz Mezheven 2007).

1. ↑ Bet gitarour er strollad Electric Light Orchestra betek 1986.
2. ↑ Pedet e voe Ray Cooper (1942-), Jim Horn (1940-), Jim Keltner (1942-) hag Ian Wallace (1946-2007) da seniñ gante ivez.
3. ↑ Pedet e voe Ray Cooper, Jim Horn, Eric Idle (1943-), Jim Keltner ha Gary Moore (1952-2011) da seniñ gante ivez.
4. ↑ Degas a reas ar strollad e skodenn e miz Gouere 1990 da-geñver Nobody's Child: Romanian Angel Appeal koulskoude.